Agate Deuna bezpera

Agate Deuna bezpera eguna dugu gaur, Euskal Herria kantuz alaitzeko eguna, hain zuzen ere. Kristautasuna aurretiko Euskal Herriko ohitura, egun oraindik herri anitzetan ospatzen dena.

Hendaia da honen agiri, izan ere, makila hartu eta zoruan kolpeak emanez, ikastolako familia ugari atera baitira aurreko urteetan gure kaleetatik Lurra neguko loalditik iratzartzeko bere ahotsa jarriz.

Aurten ezinezko dugula eta, HEMEN (klikatu esteka) uzten dizuegu beste urteetako laburpentxo bat:

[BIDEOA]: https://drive.google.com/file/d/11nuyVXySTCFrmVveTenjnktjRHd-GU2z/view?usp=sharing

Bestetik, BEHEALDEAN dituzue Agate Deuna bezperako kopla batzuk, nor bere gertukoenekin gaur kantuan aritzeko.

Hurrengo urtean Hendaiako kaleak kantuz berriz berotuko asmoaren itxaropenarekin, GOZATU!

1

AGATE DEUNA BEZPERA DUGU

EUSKAL HERRIKO EGUNA

ETXE GUZIAK KANTUZ POZTEKO

EGUN HAUTATU DUGUNA

MAKIL EDERRA HARTUA DUGU

BIDEZ-BIDEKO LAGUNA

KOLPEZ-KOLPE LURRA IRATZARRIZ

HAUXE DA GURE JARDUNA

 

2

ZORION ETXE HUNTAKO DENEI

OLES EGITERA GATOZ

ATEZ-ATE GURE OHITURA ZAHARRA

AURTEN BERRITZEKO ASMOZ.

EZ GARE BATE(RE) ABERATS SOSEZ

EZTA ERE OINETAKOZ

BAINA ZINTZURRA AZKARRA DUGU

TA KANTA NAHI DUGU GOGOZ

 

3

MENDI-KASKOAK ELURREZ XURI

LORIOPEAN LAIOTZA

ETXE HUNTAKO JAUN ETA ANDEREAK

URREZKO DUTE BIHOTZA

AGATE DEUNAK KENDUA GAITU

ESKEAN HASTEKO LOTSA

SOSIK EZ BADA EZ GAITU INPORTIK

GIZENDUTAKO BILDOTSA