2021-2022 ikasturtean Hendaiako Gure Ikastolak 50 urte betetzen ditu. Hau ospatzeko, otsailean hasi eta uztaila bitartean ekitaldi ugari antolatu ditu hezkuntza zentroak.

Aperitibo moduan, ikastolak urtemuga hau gogoratuko duen logo bat aukeratzeko lehiaketa zabaldu du. Ikastolako familiak direnei eta ez direnei zabalduta, interesa dutenek urtarrilaren 28 aitzin bidali dezakete beren proposamena festataldea@gureikastola.eus -era. [INFO + HEMEN]

Logo irabazlea, urtemuga honengatik egingo diren ekintza guztietako identifikatzaile izango da. Programazioa zabaltzeko sortuko diren diseinu guztietan agertuko da.

Ekintza guztiak publikoak izango direla kontuan izanik, ZATOZ gure artera!