ZER DA Hezkuntza Proiektua?

Murgiltze sistema


Haurrak biziki goizik dira hizkuntza ulertzeko gai.
Gela barruko zein inguruko jardueretan (haurtzaindegia, aire hartzeak, jantegia, kirola, dantza, eskulanak…) euskaraz ikastea eta komunikatzea da murgiltze sistema goiztiarraren ezaugarri nagusia.
Ipar Euskal Herrian, Seaskak besterik ez du murgiltze sistema eskaintzen.

Pedagogia

Ikasteko molde ezberdinetan oinarritzen da.
Pedagogia aktiboa eta kooperatzailea: ekintzak (fisikoa, intelektuala) ematen dio haurrari ulertzeko, sortzaile izateko, egokitzeko eta aldatzeko ahalmena, beti ere besteekin elkarrekintzan eta kooperazioan.
Proiektuen bidez, sentsuari lehentasuna ematen zaio.
Gure berezitasunak: Bizi-jolas zein Bertsularitza proiektuak, Seaskatik bideratuak. Eta kooperazio kontseiluak eta filosofia debateak ikastolako talde pedagogikoak bultzatuak.

Elebitasun orekatua

Bi hizkuntzetan trebatzeko xedez, bi irakasle daude bigarren urtetik (CE1) goiti, hizkuntza bakoitzeko bana: bat euskararako eta bestea frantseserako.
Egitaraua zehazterakoan orekari begiratzen zaio, lan zama meta ez dadin. Bigarren maila bukatzerako (kolegioko azken urtean), ikasleek bi hizkuntzak menperatzen dituzte.